Shkup, 23 shtator – Kompania turke e teknologjisë së lartë “Teknopanel” do të investojë 16 milion euro në ndërtimin e kapacitetit të ri prodhues në ZZHIT Shkup 1. Investimi ishte prezantuar sot në takim me delegacionin e kompanisë së udhëhequr nga pronari Orhan Kahvexhi, me kryeministrin Zoran Zaev dhe drejtorin e ZZHIT, Jovan Despotovski.Sipas planit investues dhe projekteve financiare “Teknopanel” do të hapë 120 vende të reja pune në këtë fazë. Pritet kompania të realizojë eksport total prej mbi 170 milion euro në 10 vitet e ardhshme, vetëm si obligim për kontributet për paga, në buxhetin e shtetit të paguajë mbi 5 milion euro të ardhura ndërsa obligimet për tatim të fitimit dhe tatim personal të pagave tejkalojnë 2,5 milion euro, informon pres-shërbimi qeveritar.Kompania prodhon të a.q.”sanduiç” panela të çative të cilat njëkohësisht ofrojnë izolim ngrohës, hidro dhe të zërit, ndërsa janë rezistent edhe ndaj zjarrit, ndërsa veçanërisht përdoren për sipërfaqe të çative të ndërtesave industriale. Siç theksohet në kumtesë, “Teknopanel” me të cilën do të nënshkruhet marrëveshje në javët e ardhshme, ndërsa investitori i parë i huaj me të cilin Qeveria do të lidhë marrëveshje me elemente nga koncepti i ri i punës së Drejtorisë për ZZHIT.
“Në rend të parë Qeveria do të sigurojë mbështetje financiare për hapje të vendeve të punës me neto pagë mesatare mbi 33.500 denarë në muaj dhe rritje të garantuar të pagave prej 5 për qind në vit. Gjithashtu, kjo është kompania e parë me të cilën fillon të zbatohet parimi i ri i vlerësimit të tokave si pjesë e ndihmës shtetërore, gjegjësisht për herë të parë shteti e shfrytëzon vlerën e tregut të tokës si resurs që jepet në shfrytëzim të investitorit si masë e ndihmës shtetërore”, qëndron në kumtesë.
Sipas konceptit të ri të tërheqjes së investimeve në ZZHIT, çdo investitor potencial dorëzon plan investues 10-të vjeçar në bazë të së cilës vlerësohet kapaciteti i kompanisë dhe investimit, dhe përgatitet pako individuale për pjesëmarrje të shtetit në investim.
Kompania është një nga eksportuesit më të mëdhenj në Turqi dhe është në listën e Top 500 kompanive udhëheqëse industriale në vend, me pesë fabrika në Turqi, mbi 450 të punësuar dhe eksporton në 89 vende në Azi, Evropë dhe Amerikë.
