29.8 C
Skopje
Tuesday, May 24, 2022

Tashev: Të ngrihen përkohësisht bisedimet e Komisionit të Përbashkët për Çështje Historike dhe Arsimore

Shkup, 3 nëntor – Spas Tashev nga Instituti për Popullsinë dhe Shkenca Humane në Akademinë Bullgare të Shkencave “News.bg” tha se funksionimi i Komisionit të Përbashkët për Çështjet Historike dhe Arsimore midis Bullgarisë dhe Maqedonisë në formatin aktual është i tepërt dhe ai personalisht nuk e sheh ndonjë kuptim për ta vazhduar këtë veprimtari.

Tashev tha se komisioni nuk po jep rezultate. Ai thotë se nuk propozon shpërbërjen e Komisionit, por rishikimin e punës së tij dhe fokusimin në popullarizimin e fakteve të padiskutueshme, të cilat janë të pranueshme si për Bullgarinë ashtu edhe për Maqedoninë.

Tashev propozon që bisedimet në Komision të ngrihen përkohësisht dhe të dy palët të fillojnë një hetim arkivor duke publikuar dokumente në versionet e tyre origjinale për të gjithë personat e kontestuar, gjë që do të ishte bazë për debate.

“Nëse OBRM-PDUKM vjen në pushtet në rast të zgjedhjeve të parakohshme parlamentare, duke kërcënuar se do të rishikojë Marrëveshjen e Prespës dhe Marrëveshjen e Miqësisë me Bullgarinë, atëherë Shkupi do të bjerë në izolim ndërkombëtar, gjë që nuk është në interesin e askujt”, tha Tashev.

Historianët nga të dy vendet nuk kanë bërë asnjë përparim në bisedimet për disa kohë.

Latest news
Related news
- Advertisement -spot_img