Shkup, 28 shtator – Shoqata e personave fizik dhe juridik të dëmtuar “Drejtësi për kursimtarët” sot kumtoi se ka realizuar takim me Delegacionin e Bashkimit Evropian në vend në të cilën është biseduar për falimentin e “Bankës Eurostandard”.
Në takim, i cili u mbajt mbrëmë, përfaqësuesit e delegacionit detajisht janë njoftuar me gjendjen në të cilën u gjetën depozituesit e dëmtuar të “Bankës Eurostandard” pas hapjes së procedurës falimentuese, si dhe me aktivitetet që ndërmerren për tejkalim të këtij problemi.
Përfaqësuesit e Shoqatës, siç citohet në kumtesën e sotme, e informuan Delegacionin e BE-së se më shumë se një vit nga hapja e procedurës falimentuese, ende nuk është ngritur asnjë padi penale dhe se Gjykata Themelore qytetare Shkup që e udhëheq procedurën falimentuese ende nuk e ka implementuar vendimin e Gjykatës Kushtetuese, edhe pse kanë kaluar disa muaj nga sjellja e tij.
“Por vendimi i Gjykatës Themelore qytetare Shkup në lidhje me këtë çështje dhe (mos)zbatimin e tij në Vendimin e Gjykatës Kushtetuese, te depozituesit e dëmtuar nga banka Eurostandard lind dyshimi bazë se përgatitet grabitje e re e depozitave të robëruara në masën falimentuese. Dhe kjo është e qartë jo vetëm për depozituesit por edhe për publikun e gjerë. Detyra jonë është të tregojmë në kohë në atë dhe të shfaqim shpresë se Gjykata e Apelit Shkup, ku lënda gjendet në procedurë të apelimit, do të ketë virtyt të ndalet në rrugën e grabitjes dhe padrejtësisë. Atë e kërkojmë dhe atë e presim nga Gjykata e Apelit Shkup”, citohet në kumtesën e Shoqatës “Drejtësi për kursimtarët”.
