Shkup, 13 nëntor 2021 (MIA) – Problemi me emigrantët nënkupton kërkim të vazhdueshëm të zgjidhjeve të vendeve për sfidat të cilat i sjell migrimi, por edhe vendosmërinë me aktivitetet e përbashkëta t’i menaxhojmë këto rrjedha të migrimit, vazhdimisht duke gjetur mundësi për avancimin e formave ekzistuese të bashkëpunimit në fushën e sigurisë. si dhe në rajon, ashtu edhe më gjerë”, theksoi ministri i Punëve të Brendshme Oliver Spasovski në konferencën e sotme me temë “Kriza e emigrantëve dhe vendeve të Ballkanit-Rajoni i Adriatikut”, në organizim të Asociacionit Ndërkombëtar të Policisë-IPA në Republikën e Maqedonisë së Veriut.
Në konferencë morën pjesë edhe drejtori i Byrosë për Siguri Publike Sasho Tasevski, udhëheqë i IPA në vend dhe mysafirë nga vendet fqinje, përfaqësues të Fronteksit, Sindikatës së Policisë së Maqedonisë dhe Lidhjes së Sindikatave të Maqedonisë.
“Unitetin dhe partneritetin që nëpunësit e policisë së Republikës së Maqedonisë së Veriut, së bashku me kolegët e tyre të tetë vendeve evropiane e treguan gjatë krizës së emigrantëve në kufurin jugor, ku po ndodhin edhe përpjekjet më të mëdha për kalim ilegal të kufirit, me qëllim që të arrihet deri në vendet e Efropës Perëndimore, janë tregues se vetëm me forca të përbashkëta mund të përballemi me sfidat serioze të emigrantëve. Nga këtu, thellësisht besoj se edhe Asociacioni ndërkombëtar i Policisë, përmes kredibilitetit që e ka dhe rrjetin e vet tashmë të krijuar, mundet në një masë të madhe të kontribuojë për zgjerimin e një bashkëpunimi të tillë dhe gjetjen e moduleve të reja për mbështetje në përpjekjet për përballjen jo vetëm me migrimin ilegal, por edhe me të gjitha format e krimit”, theksoi Spasovski.
Drejtori i Byrosë për Siguri Publike Sasho Tasevski, ndërkaq në fjalimin e tij potencoi se paralelisht me sfidat me të cilat po përballen emigrantët, si nga aspekti i sigurisë, ashtu edhe ai humanitar, sfida kanë edhe shtetet nëpër të cilat ata kalojnë dhe në këtë drejtim aktivitetet e policisë janë drejtuar edhe në pjesën e parandalimit dhe paralajmërimit të hershëm, por edhe në dhënien e përgjigjes fillestare në pjesën e përballjes me problemin me emigrantët.
