27.8 C
Skopje
Wednesday, July 6, 2022

Sa e rrallë, aq edhe e çuditshme: Katër klubet në garë për titullin e Serie A, nuk do t’i kenë trajnerët në bankinë për xhiron e ardhshme

Është për t’u habitur, por nga xhiroja e ardhshme, katër klube që janë në garë për titullin e Serie A, nuk do t’i kenë në bankina trajnerët e tyre.

Që të katër strategët janë të ndëshkuar me karton të kuq dhe në xhiron dhjetë nuk do të ulën në stol.

Federata e Futbollit të Italisë ka vendosur që Luciano Spalletti, Jose Mourniho, Gian Piero Gasperini dhe Simone Inzaghi të ndëshkohen me nga një ndeshje.

https://www.sofascore.com/tournament/33/37475/standings/tables/embedStandings provided by SofaScore LiveScore

Madje, federata italiane ka publikuar edhe vendimet e plota për katër strategët:

Spalletti (Trajner i Napolit)

I skualifikuar për një ndeshje dhe gjobitur me pesë mijë euro për sjellje jo korrekte. Kryesisht bie në sy reagimet ironike ndaj arbitrit kryesor gjatë fundit të ndeshjes.

Mourinho (Trajner i Romës)

I skualifikuar për një ndeshje sepse mori dy kartonë të verdhë.

Gasperini (Trajner i Atalantas)

Skualifikim për një ndeshje. Gjithashtu është gjobitur me 5 mijë euro për reagime mosrespektuese ndaj zyrtarëve të ndeshjes, sinjalizuar nga gjyqtari i katërt.

Inzaghi (Trajner i Interit)

Gjobë prej 5 mijë eurosh për kontestim të tepruar ndaj vendimit të arbitrit. Reagimi u sinjalizua nga arbitri i katërt.

Kujtojmë se xhiroja e dhjetë në Serie A do të luhet në këtë mesjavë, andaj të katër klubet do të drejtohen nga asistentët e trajnerëve.

Latest news
Related news
- Advertisement -spot_img