Turistët po kthehen përsëri në atraksionet kryesore të Pekinit. Numri i vizitorëve gjatë tre ditëve të para të festës së Festivalit të Pranverës është në 91 për qind të nivelit 2019, megjithë masat e rrepta antiepidemike në vend, njofton “Xinhua”.
147 pikat kryesore turistike të qytetit regjistruan rreth 2.76 milionë vizita midis 11 dhe 13 shkurt. Rruga tregtare “Wangfujing’ ishte në krye të listës me 360.000 vizita turistike, njoftoi Byroja Komunale e Kulturës dhe Turizmit e Pekinit. Të ardhurat e këtyre vendeve u rritën 1.6 herë nga e njëjta periudhë në vitin 2019.
Destinacione të tjera të njohura për sa i përket numrit të vizitorëve përfshijnë Rrugën Qianmen, e vendosur afër sheshit “Tian’anmen”, një shesh pazar në lagjen periferike Changping, si dhe Rruga Nanluoguxiang, e njohur për oborret e saj katërkëndëshe të ruajtura mirë.
Pekini regjistroi një ringjallje në rastet COVID-19 midis dhjetorit dhe janarit.
Shumë prej pikave piktoreske të qytetit u mbyllën gjatë festës së Festivalit të Pranverës të bllokuar ndryshe në vitin 2020 për të parandaluar përhapjen e koronavirusit të ri.
