26.8 C
Skopje
Saturday, August 13, 2022

Pacolli: Ambasadori rus në Beograd është plot urrejtje ndaj Kosovës dhe shqiptarëve

Kryetari i Aleancës Kosova e Re, Behgjet Pacolli ka thënë se ambasadori i Rusisë në Serbi është plot urrejtje dhe frustrim ndaj Kosovës dhe shqiptarëve.

Pacolli ka thënë se ai do të duhej të ishte i edukuar, i mençur, i urtë dhe të sillet sipas kodit diplomatik, transmeton Telegrafi.

“Një diplomat nga një shtet i madh si Rusia, i cili pretendon se radhitet me shtetet e civilizuara dhe demokratike, duhet të jetë i edukuar, i mençur, i urtë dhe të sillet sipas kodit diplomatik. Ambasadori i Federatës Ruse në Beograd ka demonstruar që nuk posedon dhe nuk i përmbahet asnjërës. Dhe si i tillë ai është shumë arrogant, plot urrejtje dhe frustrim ndaj Kosovës dhe shqiptarëve, edhe pse ishte bashkëpunëtor i ngushtë i Presidentit Athisari që ka përshkruar Dokumentin përfundimtar për Sekretarin e Përgjithshëm të Kombeve të Bashkuara për Statusin e Republikës se Kosovës”, ka shkruar Pacolli.

Më tej ka thënë se fjalori i tij para studentëve në Beograd është aq i poshtër ,sa që çdo shef normal në Moskë do ta pushonte nga funksioni.

“Turp për ju Ambasador Kharchenko”, shkroi Pacolli në reagimin e tij në Facebook. 

https://www.facebook.com/behgjeti/posts/448393723316191
Latest news
Related news
- Advertisement -spot_img