2.8 C
Skopje
Sunday, November 28, 2021

Lama: Ka ambasadorë të Kosovës që nuk dinë të shkruajnë email e as gjuhën e vendit ku shërbejnë

Ish-ambasadorja e Kosovës në Itali, Alma Lama ka thënë se Qeveria e Kosovës duhet të bëjë një shqyrtim për mënyrën sesi kanë marrë grada ambasadorët në Kosovë.

Lama u shpreh se ka ambasadorë të Kosovës të cilët nuk dinë të shkruajnë email dhe nuk dinë asnjë gjuhë të huaj.

“Jo gjuhën e vendit ku shërbejnë, por as anglishten. Të mos flasim më për kulturën e njohuri të tjera”.

“Ka pasur shkelje masive nëpër vite të mënyrës si janë marr gradat në Ministrinë e Punëve të Jashtme. Do të duhej të fillonte shqyrtim se si janë marr gradat. A i kanë ata aftësitë diplomatike për të përfaqësuar Kosovën. Qeveria e Kosovës duhet ta shqyrtojë këtë sepse diplomacia është fytyra e shtetit”, tha Lama në RTV Dukagjini.

Ndërkaq, deputeti i Lëvizjes Vetëvendosje, Haki Abazi i cili është edhe kryetar i Komisionit për Punë të Jashtme dhe Diasporë tha se emrat e ambasadorëve në bazë të protokollit duhet të jenë konfidencial derisa nuk konfirmohen nga shteti ku do të shërbejnë.

“Është një protokoll që nuk jepen emrat. Në këtë studio është përmendur një emër dhe kam thënë që nuk e di. Janë rregullat e diplomacisë, nuk jepen emrat të cilët nuk konfirmohen nga vendi pranues”, tha Abazi.

Tutje, ai shtoi se “Unë nuk mundem me garantu për askënd, në anën tjetër edhe ne si deputet duhet të veprojmë brenda normave. Kur është dërguar informacioni është dërguar me notën konfidencialitet të plotë. Veprimi i secilit organ, tregon fytyrën e shtetit. Nëse dikush lëshon emra në publik, ka forma për me u gjet kush i ka lëshu”, tha Abazi.

Latest news
Related news
- Advertisement -spot_img