22.8 C
Skopje
Monday, May 23, 2022

EMA në bisedime me AstraZeneca për dozën përforcuese

Agjencia Europiane e Barnave (EMA) është në bisedime me AstraZeneca për aprovimin e dozës së tretë të vaksinës së saj.

“AstraZeneca na ka paraqitur disa të dhëna të reja që mund të mbështesin miratimin e një dozë të tretë”, tha Marco Cavalieri, kreu i strategjisë së vaksinimit. “Ne do të diskutojmë me kompaninë nëse këto të dhëna janë të mjaftueshme për miratimin e dozës përforcuese apo nëse kemi nevojë për më shumë informacione,” shtoi ai.

Agjencia Europiane e Barnave deklaroi gjithashtu se shumica e shteteve anëtare të Bashkimit Europian kanë miratuar përdorimin e dozave përforcuese të COVID-19 për personat më të rrezikuar, duke shtuar se “zgjerimi i dozave përforcuese për popullatën e përgjithshme mund të jetë hapi i ardhshëm”.

EMA paralajmëroi gjithashtu se numri i rasteve është në rritje në BE, duke u bërë thirrje qytetarëve që të vaksinohen.

Latest news
Related news
- Advertisement -spot_img